VW официјално објави дека е дозволена нејзината најнова генерација на четирицилиндрични дизел мотори за употреба на парафински горива. Според производителот на автомобили, употребата на овие био-дизели треба да резултира со значително намалување на емисиите на CO2 – околу 70 до 95 проценти помалку од конвенционалниот дизел.
Во соопштението на компанијата се потврдува дека сите модели на VW со четирицилиндрични дизел мотори кои се испорачани од крајот на јуни оваа година се одобрени за работа со парафински дизел горива во согласност со европскиот стандард EN 15940. Овие модели вклучуваат модели со значајни волумени како што се Tiguan и Golf. Исто така во варијантата GTD .
„Со користење на еколошки горива во моделите на Volkswagen одобрени за оваа намена, им овозможуваме на клиентите ширум Европа значително да ги намалат своите емисии на CO2 штом горивото е локално достапно. На пример, ова е особено за компаниите со мешана флота – составена од модели со Е-погони, но и конвенционални погони – употребата на парафински горива е разумен додаток“, вели проф. Томас Гарбе, раководител на одделот за Ото и Дизел горива во Volkswagen.
Парафинските горива се направени од биолошки остатоци и отпадни материјали како растително масло. Овие растителни масла се претвораат во јаглеводороди преку реакција со водород и се мешаат со дизел горивото во која било количина. Но, тие можат да се користат и 100 проценти како гориво. Маслото од репка, на пример, може да се користи и за производство, но максималното влијание врз животната средина се постигнува само кога се користат биолошки остатоци и отпадни материјали како што се употребено масло за јадење или струготини.
Овие биогорива се веќе на пазарот и нивниот удел во Европа веројатно би можел да се зголеми на 20 до 30 отсто од енергетскиот пазар за патен транспорт во следните десет години. Примери се CARE Diesel, NEXTBTL и HVO. Дополнително, тука е и веќе широко распространетата дизел варијанта која е збогатена со парафински компоненти. Тие треба да ги исполнуваат барањата на стандардот EN590. Примери се Diesel R33, V-Power Diesel, OMV MaxMotion и Aral Ultimate Diesel. Сите мотори на дизел, дури и постарите, можат да го користат вториот тип на дизел.
Следете не и на:
