Откако го претстави CX-60 во Европа и го постави на врвот на гамата на брендот, Mazda сега има нов предводник, кој беше најавен како новитет за европскиот пазар. Во мај почнуваат да с епримаат нарачките, а веќе од есен 2024 ќе почнат и испораките. . Името на новиот модел е CX-80 и ќе има за цел да се натпреварува во класа каде што докажани играчи од BMW, Mercedes и Audi доминираа во последните години.
Ова е четвртиот модел на Mazda, по CX-60 (претставен во Европа, Јапонија и на другите пазараи), потоа CX-90 ( за Северна Америка и другите пазари) и третиот модел е CX-70 (за Северна Америка и други пазари).
CX-80 се заснова во голема мера на технологијата и дизајнот на CX-60. Поголемиот кросовер претрпе промени во големината и пропорциите за да се смести трет ред седишта, зголемувајќи ја неговата вкупна просторност. Визуелно, CX-80 има неверојатна сличност со својот помал брат напред, со импозантна решетка надополнета со целосно LED предни светла.
Во однос на димензиите, CX-80 го надминува CX-60, бидејќи е 25 cm подолг, 24 mm повисок и има 25 cm подолго меѓуоскино растојание. Во внатрешноста CX-80 има два големи 12-инчни екрани за инструментите и инфозабавниот систем.
Со сите седишта подигнати, Mazda CX-80 нуди 258 литри зад третиот ред седишта, што може да се прошири до 687 литри со преклопен третиот ред и 1.971 литри само со зафатени предни седишта.
При лансирањето, CX-80 ќе се нуди со две опции за погонски склоп: plug-in хибриден и шестцилиндричен благ хибриден дизел мотор. Двете конфигурации имаат погон на сите тркала и 8-брзински автоматски менувач.
Плаг-ин хибридната верзија комбинира 2,5-литарски четирицилиндричен бензински мотор со електричен мотор, обезбедувајќи вкупна моќност од 327 КС. и вртежен момент од 500 Nm. Километражата само на струја е 60 километри.
Алтернативно, дизел варијантата го има познатиот 3,3-литарски директен шест мотор на Mazda, кој генерира 254 КС. и вртежен момент од 550 Nm.
Следете не и на:
