Уште пред неколку години кога Volkswagen реши да го прошири брендот Skoda и во Индија познато беше дека тоа ќе биде вистински “low-cost” бренд за овој пазар.
Денес, по неколку години останува ориентираноста на Volskwagen Групацијата кон форсирање на Skoda како бренд број 1 во Индија. Доказ за тоа е и последната трансформација односно спојување на Volkswagen India, Volkswagen Group Sales India и Skoda Auto India во една компанија.
Регулаторното тело во Индија го одобри ова спојување, а новата компанија ќе го носи името Skoda Auto Volkswagen India. На чело на оваа компанија е поставен Гурпратап Бопарај кој ќе има за цел да ја направи Skoda најпродаван автомобилски бренд во оваа земја.
Во моментов во Индија, Skoda е застапена со седум модели. Понудата ја сочинуваат Rapid, Monte Carlo, Octavia, Superb, Superb Sportline, Kodiaq и Kodiaq Scout.
Следете не и на:
