Twingo Cup: Рекорден број возачи на Гробник – деби на Бојан Костовски

ОБЈАВЕНО НА:

На патеката Гробник крај Риека лани за првпат македонски возач победи во генерален пласман на CEZ, а двајца возачи се искачија на пиедесталот. Со двете трки викендов Twingo Cup доаѓа до средина на сезоната во која потоа треба да се возат уште шест трки на три различни патеки.

Меѓу деветтемина македонски возачи кои викендов ќе настапат на патеката Гробник во Хрватска како дел од првенството на Македонија во Twingo Cup за првпат во ваков автомобил ќе седне и младиот Бојан Костовски кому ова ќе му биде прв настап.

За третиот тркачки викенд на Twingo Eurocup, планиран за сабота и недела каде треба да се возат две трки, пријавени се 38 возачи што е најмногу дсосега. Постои можност на стартот да се појави уште едно возило бидејќи тоа е максималниот број на натпреварувачи.

Младиот Бојан е брат на Мартин Костовски кој е ланскиот вицешампион во Twingo Cup. Бојан ќе седне во автомобилот на Ненад Костовски кој реши да се повлече од трките.

Во генерален пласман во првенството на Македонија лидер е Марко Блажевски кој со двете победи во Австрија на почетокот на јуни го презеде првото место со 55 бода, пет помалку од Давид Малинковски . Трет во генерален пласман е Владимир Тренески со 41 бода, пред Слободан Трајковски кој има еден бод помалку.
На шетирите трки досега сезонава имаше тројца различни победници во првенството на Македонија: Владимир Тренески, Давид Малинковски и Марко Блажевски.

Покрај стандарно пријавените возачи од Словенија и до Македонија, кои ги има во најголем број на Гробник ќе се појават и повеќемина натпреварувачи од Италија, Австрија, Србија, Чешка. Во четврток е тренинзите, во петок изутрина се квалификациите. Првата трка е во сабота наутро од 11,45 часот, додека втората во недела во 17,20 часот.

Ова е трета сезона од Twingo Cup што се бодува за првенствотона Македонија, а севкупниот победник како награда ќе го одбие електричното возило Renault Twizzy.

Следете не и на:

24AUTO NETWORK