На крајот од минатиот месец од Ferrari објавија дека планираат да го рестaртираат производството на 14 април, но на крајот од минатата седмица од легендарната компанија најавија дека тоа нема да се случи.
Oд Ferrari споделуваат, дека со новите правила, воведени од страна на Владата на Италија, рестартирањето е одложено за 3 мај.
Најавуваат исто така дека сите корпорациски дејности, кои можат да бидат спроведени од далечина ќе продолжат според план, како и во минатите недели и дека компанијата ќе продолжи да им плаќа на отсутните од работа кои не можат да работат, како што се случува од 14 март досега.
Минатата недела Ferrari ја стартуваше програмата Back on Track, која има за цел воведување во производствениот процес на нови и оптимално безбедни практики за вработените во процесот на производството.
Следете не и на:
