Виктор Давидовски го оствари најдоброто време во квалификациите на трка од TCR Europe што се вози на Норисринг во Германија, и на првата трка ќе тргне од третото место. Првите три три возачи ги делеа десетинки, кои беа решавачки за формирањето на стартниот ред. Нашиот возач беше најдобро пласиран од тимот на Comtoyou Racing, a неговиот клупски колега Франко Џиролами го освои осмото место.
„Се чувствувам навистина самоуверено денес, тимот ми даде навистина добар сетап на болидот. Да бидам искрен, во последното возење направив мала грешка, но навистина сум задоволен бидејќи овие квалификации за мене се најдобри во мојата кариера. Во Спа беше тежок викенд за мене, но тука го работевме и изгледа ги средивме работите за денес, изјави Давидовски по квалификациските возења.
За пласманот во квалификациите, Давидовскиосвои вкупно 8 бода, од што 3 беа за првите квалификации и плус уште пет за вторите каде беше на трето место.
Од пол позицијата ќе тргне Мајк Халдер откако постави најдобро време во двете квалификациски сесииа во неговиот Halder Motorsport Honda Civic Type R. Покрај германскиот возач ќе биде и возачот на Target Competition Hyundai Elantra N на Феличе Џелмини.
Благодарение на пропозициите и обратниот редослед на пол-позицијата за Трка 2 ќе биде Volcano Motorsport CUPRA Leon Competición на Клим Гаврилов. На таа трка Давидовски ќе тргне од 8 место.
Втората квалификациска сесија беше уште повозбудлива. Десетминутната сесија повторно покажа дека Мајк Халдер има најдобро подготвен автомобил.
Во генерален пласман води Џиролами со 205 бодови, пред Коронел со 174, Гаврилов 153, Кајелас 149 итн… Давидовски е на 12 место
Резултат од квалификациите
1. Мајк Халдер (Halder Motorsport, Honda Civic Type R) 54,753
2. Феличе Јалмини (Target Competition, Hyundai Elantra N)+0,031
3. Виктор Давидовски (Comtoyou Racing, Audi RS 3 LMS TCR) +0,069
4. Џош Фајл (Target Competition, Hyundai Elantra N) +0,146
5. Мат Хомола (HYUNDAI | Janík Motorsport, Hyundai Elantra N) +0,178
6. Исидро Калехас (Volcano Motorsport, CUPRA Leon Competición) +0,255
Следете не и на:
