Годинава, за разлика од минатата пролет рестрикциите за патување значително се намалени. Дополнително, воведувањето на сертификати за т.н. covid-free патници ќе овозможи поголема слобода, се разбира за оние кои имаат прележан или се имаат вакцинирано.
Интернет сајтот europeanbestdestinations.com направи рангирање на најдобрите 15 дестинации во Европа за посета оваа пролет. Листата започнува со норвешкиот град Ставангер. Одличната архитектура, чистотата и бројните дрвја создаваат вистинска магија при пешачењето низ улиците на овој град.
Следи Даблин, главниот град на Ирска. Парковите и сончевите денови го прават овој град идеална дестинација, особено за турисите од Исланд и Велика Британија. Бројните музички и гурмански фестивали можеби ќе недостасуваат годинава, но и покрај тоа овој град има и тоа штоа да понуди.
Ако сакате вода тогаш идеална дестинација е и Сан Себастијан, бисерот на Баскија. Пешочните плажи, зеленилото на околните планини како и урбаните средини комбинирани со традиционалнао и модерна архитектура претставуваат вистински спој на незаборавно искуство.
Поевтина, но исто така атрактивна дестинација е Порто. За жителите на Источна Европа оваа дестинација е многу понедостижна поради оглемата одалеченост, но докoлку имате можност да бидете во овој град тогаш со сигурно се наоѓате во еден од најубавите и најромантичните градови во Европа.
На следната позиција се наоѓа швајцарскиот град Монтро каде популарната рок група Квин го создаде својот последен албум “Made in Heaven”. Не случајно, оваа дестинација е одлична за љубителите на музиката, особено џезот бидејќи тука се одржува еден од најпопуларните џез фестивали во Европа.
Листата не може да биде без холандски град. Место на листата има за Кеукенхоф, мал град во кој доминира многу зеленило и колоритност за што најзаслужни се познатите холандски лалиња.
За нас, македонците многу подостижна дестинација е островот Крк кој е еден од 1.185-те хрватски острови распостранети на Јадранското море. На само 30 минути од островот се наоѓа преубавиот град Риjека.
Избрана како “Најдобра Европска дестинација” на оваа листа се наоѓа уште еден хрватски град. Се работи за Задар кој нуди можности за бројни активности, а при подолга посета на овој град се препорачува да се искористи и можноста за посета на националниот парк Плитвице.
Доминацијата на Балканските градови ја продолжува Атина која е опишана како место кој секој мора да го посети во својот живот. Одличните можности за шопинг, но и бројните музеи се причината зошто овој град се наоѓа на оваа листа. Неизбежна е турата на Акрополис како и посетата на рестораните со традиционални грчки јадења.
Барокните згради комбинирани со модерни и креативни градби обезбедуваат место и за Љубљана на оваа листа. Како поевтина варијанта на Виена, овој словенечки град се наоѓа на 10-та позиција на оваа листа.
Место на листата има уште и за хрватски Стари Град, Лондон, Монте Карло, Пловдив и Амстердам. Интересно е што на оваа листа нема ниту една дестинација од Италија, Германија, Чешка, но затоа доминираат оние од Балканот.
Следете не и на:
