Транспортот со возови во Европа повторно станува интересен и ќе биде значаен во намалувањето на ЦО2 што се прави со користењето на авиони и автомобили. Францускиот министер за транспорт, Жан Батист Џебари го искористи повторното пуштање во употреба на ноќната железничка линија Париз-Виена за да најави уште повеќе железнички врски во цела Европа.
Жан-Батист Џебари ги објави плановите за обнова на француската железничка мрежа и опремување со нови ноќни возови. Возовите треба да го поврзат Париз со голем број градови на национално ниво како Бордо, Стразбур и Перпињан, но исто така повикува на проширување на ноќните возови низ Европа.
Првиот дел од проширувањето на користењето на возот е повторното промовирање на ноќниот воз од Париз до Виена, кој тргна на својата прва рута од 2007 година. Рутата го следи сега легендарниот Ориент Експрес, додека повторното лансирање е прво од многу чекори за одвикнување од европските патувања од буџетските авиокомпании.
Толку големо проширување може да сигнализира враќање на големата железничка мрежа во Европа. Возовите имаат потенцијал да ја продлабочат интеграцијата и нудат поодржливо средство за транспорт и на стоки и на патници.
Жан Батист Џебари сака да работи на враќање на ноќните возења до Берлин, Мадрид, Барселона, Копенхаген, Рим, Луксембург, Прага и Брисел. Според изјавата што ја даде при повторното лансирање на линијата Париз-Сент Себастијан (Шпанија), тој рече дека се надева на најмалку 10 меѓународни железнички линии до 2030 година.
Карта на предложените железнички линии,
Извор: Жан-Батист Џебари на Твитер
За да го направи тоа, тој има намера да започне ноќни врски со нови вагони. Тој прецизираше дека речиси 300 нови ноќни вагони и 30 локомотиви ќе бидат готови некаде помеѓу 2025 и 2030 година и ќе чинат околу 800 милиони евра. Дополнително, Џебари рече дека ќе почне да работи на договори за соработка меѓу соседните земји на почетокот на 2022 година.
Луксембург е еден од главните градови кои ќе имаат корист од проширувањето, бидејќи граѓаните на Големото Војводство ќе можат да патуваат со ноќен воз до Барселона, преку Стразбур. И покрај тоа што властите во Луксембург го прифаќаат предлогот, министерот за транспорт на Луксембург Франсоа Бауш рече дека линијата нема да биде завршена до крајот на деценијата.
Следете не и на:
