Моделот Peugeot 208 беше најпродаваниот автомобил во Европа во 2022 година и е иконски модел во гамата на Peugeot. Сега автомобилот добива сосема нова димензија, 208 се освежува, станува уште понеодолив благодарение на неговата 100% електрична верзија со автономија од 400 км., негов освежен дизајн, врвните технологии и уживањето во возењето заедно со новите погонски единици.
Како наследник на девет генерации градски автомобили Peugeot 208 ужива непрекинат успех од неговото лансирање на крајот на 2019 година. За нешто повеќе од три години, речиси 1.000.000 единици од 208 се произведени ширум светот. Во 2021 и 2022 година, PEUGEOT 208 беше најпродаваниот автомобил во Европа (и во Франција), во сите сегменти заедно.
Овој успех во не мал дел се должи на успехот на Е-208. Во 2022 година, Е-208 стана најпродаваниот електричен автомобил во Европа во Б сегментот. Во Франција минатата година, тој беше дури и најпродаваниот електричен автомобил во сите сегменти.
Новиот PEUGEOT E-208 ќе биде пуштен во продажба во ноември 2023 година.
Понудата ќе се заснова на три верзии – ALLURE, ACTIVE, GT – и шест погонски единици, вклучувајќи го и новиот целосно електричен мотор со 115 kW/156 КС, кој нуди опсег од 400 km (WLTP комбиниран циклус под одобрение) и новиот HYBRID 100 и ХИБРИД 136.
NEW PEUGEOT E-208
Промените се веќе забележливи во предниот дел, каде што предната решетка стана уште поголема, а од двете страни наидуваме на отвори за воздух со вградени дневни светла. Нов облик и посебни елементи за матричните светла имаат и фаровите. Во задниот дел промените се минимални и влијаат само на стоп светлата кои добиваат нова графика и натпис на Peugeot.
Во внатрешноста, добро познат дизајн се заснова на 10-инчен екран пред возачот и 10-инчен мултимедија во средината на контролната табла. Во основните модели наоѓаме стандардна километража со класични стрелки. Новите технологии овозможуваат безжични Apple CarPlay и Android Auto, како и до три USB-C порти. Достапна е и камера од 360 степени, како и следење на мртвата точка и многу повеќе.
Ново за моторите се двете 48-волтни благи хибридни варијанти, кои се базирани на моторите PureTech со 100 и 136 КС. и сега се комбинирани со новиот e-DSC6 електрифициран шестстепен менувач со двојна спојка. Сепак, производителот ќе понуди и две верзии на чист бензин: PureTech 75 и PureTech 100, од кои и двете имаат по три цилиндри и механички менувачи (пет или шест степени на пренос).
Електричниот E-208, сега со голема буква, се потпира на електричен мотор со 156 коњски сили и максимален вртежен момент од 260 њутн метри. Се напојува со батерија од 51 kWh која обезбедува опсег до 400 километри. Полнењето до 100 kV овозможува полнење од 20 до 80% за помалку од 25 минути.
Следете не и на:
