Доколку некој се сеќава на компјутерската игра Need for Speed II, тогаш веројатно се сеќава и на фантастичниот Ford GT90. Овој концепциски хиперавтомобил на Ford ја шокираше публиката во 1995 година, но за жал беше произведен во само еден-единствен примерок.
Сега, четвртина век после појавата на тоа чудовиште, тоа уште има со што да ги восхита вљубениците во него. Доволно е неговиот мотор да биде во дејство и да се слушне звукот од V-образниот 12-цилиндричен мотор со четири турбокомпресори и со можност од 720 коњски сили. Звукот кој се произведува е како симфонија за увото на автомобилски манијак.
Овој мотор е причината Ford GT90 за забрзува од 0 до 100 км/ч за неверојатни за тие години 3,1 секунди. Максималната брзина е уште поневеројатна и изнесува 407км/ч и тоа десет години пред појавата на Bugatti Veyron.
Засилете го звукот и насладувајте се на звукот, кој уште поретко го слушаме кај новите автомобили.
Следете не и на:
