Ако сакате дополнително да си го украсите воланот на вашиот автомобил, размислете двапати пред да нарачате некој таков украс. Американските регулаторни тела ги предупредуваат возачите да не ставаат украсни амблеми и украси на воланот поради ризикот што при судар.
За разлика од стандардното лого на брендот, оние дизајнирани за секундарно вградување често се раскошно украсени со кристали. При удар, овие сјајни камчиња може да се претворат во неконтролиран проектил што се лансира кога ќе се отвори воздушното перниче.
Еден Американец веќе стана жртва на таков амблем со кристали, ослепувајќи на едното око поради тоа. Во несреќата, директно во окото му се сместил мал кристал.
Според предупредувањето објавено на веб-страницата на американската Национална управа за безбедност во сообраќајот (NHTSA), дополнителните амблеми можат да го поместат и самото воздушно перниче. Исто така, секоја промена на перничето или капакот на перничето може да предизвика дефект.
Експертите на NHTSA советуваат да ги отстраните сите украси од воланот и да не верувате на такви украси наменети за резервна инсталација. Таков „скапоцен камен“ кој за неколку евра може да с енарача и преку интернет може да биде многу опасен, па дури и фатален.
Следете не и на:
