Само што почна продажбата на суперлуксузната руска лимузина вредна 300.000 евра, а веќе сите 350 автомобили се распродадени. Сите продадени автомобили се опремени со највисок пакет опрема, а Aurus веќе започна да прифаќа нарачки за модели кои ќе се произведуваат во 2022 година.
Сериското производство на Aurus Senat започна кон крајот на мај годинаva во фабриката во Јелабуга, Татарстан. Изложбениот салон кој го продава Senat велat дека веќе се продадени 350 примероци, што е производствена квота за оваа година, а веќе се примаат нарачки за моделите што ќе се произведуваат во 2022 година.
Сите нарачани модели се опремени со највисок пакет опрема, што во моментов е единствениот што се нуди, а единствената разлика помеѓу продадените модели е бојата на каросеријата, пренесува сајтот Cars.ru.
Идните купувачи ќе можат да ја персонализираат опремата на овој суперлуксузен автомобил. Во моментов, единствената дополнителна опција е да купите блиндиран Aurus. Во тој случај, цената се формира поединечно, а времето на испорака може да биде најмалку осум месеци.
Aurus Senat
Aurus Senat е долг 5,63 метри, тежи 2,8 тони и има меѓуоскино растојание од 3,3 метри. Има хибриден погон, со осум цилиндричен бензински мотор од 4,4 литри со двоен турбополнач. Вкупната моќност на моторот е 589 „коњски сили“, со вртежен момент од 880 њутн метри на 2.200 до 4.750 вртежи во минута.
Senat забрзува до 100 километри на час од 4,7 до 6 секунди, додека максималната брзина е 250 километри на час. Автомобилот троши просечно 13 литри на 100 километри.
Возилото располага со многу богата опрема, вклучувајќи сателитско следење, 3Д камери кои прикажуваат цел круг околу автомобилот, како и автомобил од птичја перспектива, потоа специјален мултимедијален систем напред и назад, четиризонска клима, мини бар, држачи за чаши со греење и ладење …
Aurus Senat во основната и специјалната верзија, се користи како службени возила на највисоките руски функционери, меѓу кои е и претседателот Владимир Путин.
Следете не и на:
