Германскиот производител на луксузни автомобили Mercedes има детални планови за изградба на мрежа од станици за полнење на електрични возила, додавајќи дека тоа ќе овозможи супербрзо полнење во Франција и Германија до крајот на годината.
Изградбата добро напредува, изјави Франц Рајнер за агенцијата ДПА, шеф на финансискиот оддел на производителот на луксузни автомобили, без да прецизира конкретни податоци или бројки.
Mercedes се надева дека ќе има станици за полнење во Германија и Франција до четвртиот квартал и планира да изгради 20 паркови за полнење со неколку станици за полнење во САД оваа година, рече Рајнер.
Германскиот производител веќе ги објави плановите за инсталирање на 10.000 станици за полнење на електрични автомобили ширум светот до крајот на деценијата, потсетува агенцијата ДПА.
Клиентите на Mercedes ќе имаат приоритет во пристапот до станиците за полнење со моќност до 350 киловати, на пример преку еден вид резервација.
Следете не и на:
