Леонардо ди Каприо е нов бренд амбасадор на BYD Auto

ОБЈАВЕНО НА:

Еден од најпознатите актери во Холивуд, Леонардо ди Каприо стана нов амбасадот на кинескиот бренд на електрични возила BYD Auto.

Актерот ќе помгне во промоцијата на новите електрични возила на компанијата во Кина во текот на 2017 година, на сличен начин како и кога лани формираше сопствен тим за трката во Пекинг на FIA Formula E првенството.

„Сите во светот веќе сфаќаат дека возилата на фосилно гориво се неефикасни и голема закана за планетата. Многу сум задоволен што се вклучувам со напорите за зголемување на бројот на чисти возила на патиштата во Кина, но и во другите земји, изјави познатиот актер.

Според извештаите од јануари до октомври годинава, BYD продале повеќе од 84.000 примероци, многу повеќе од Tesla кој има 58.000 испорачани возила. Во Кина монополот на пазарот на електрични возила го имаат токму домашните производители кои испорачува повеќе од 98 отсто од електричните возила, а само мал дел се од американски производители.

Кинеската влада веќе дава субвенции од 13.000 долари за купување на електрични возила. Во Кина има и најголемо загадување на воздухот од возилата, па електричните возила стануваа се популарни. Зголемувањето на интересот за електрични возила на годишно ниво е зголемен за 82,2 отсто, и само во првите 10 месеци од годинава се продадени околу 337.000 вакви возила.

Следете не и на:

24AUTO NETWORK