Ford Fusion и официјално замина во пензија

ОБЈАВЕНО НА:

Она што беше објавено уште во мај годинава во целост се официјализира – моделот Fusion повеќе нема да биде дел од понудата на Ford.

Од фабриката во Мичиген излезе последниот примерок на втората генерација од овој модел со што и официјално Ford нема повеќе седански модел во понудата во Северна Америка.

Првата генерација на овој модел во производство влезе во август 2005 година. Најпрво се произведуваше во Хермосиљо (Мексико), а потоа со втората генерација започна и производството во Мичиген (САД).

Последните неколку години Fusion бележеше континуиран пад на продажбата, пред се поради силната конкуренција од јапонските и европските производители. Во првата половина од годинава овој модел е продаден во 61.421 примерок во САД, а само за споредба во 2014 година беа продадени 306.860 примероци.

Американскиот производител Ford објави дека овој модел нема да добие свој наследник во понудата на Ford.

 

Следете не и на:

24AUTO NETWORK