Електричната Vespa доаѓа во 2018

ОБЈАВЕНО НА:

Vespa Elettrica ќе има досег од 100 километри и има 74 коњски сили

Една година откако Vespa објави дека работи на нејзината прва верзија на електричен мотор, матичната компанија Piaggio потврди дека ќе биде достапна за продажба во 2018 година. За жал, не е објавен ниту еден податок од спецификацијата, не се достапни ниту податоци за цената.
Vespa Elettrica ќе има досег од 100 километри. Како и повеќето електрични автомобили, издржливоста ќе биде флексибилна и ќе зависи од тоа како се вози. Од Piaggio велат дека Elettrica ќе има “извонредни перформанси” на скутер со 74 КС, а компанијата вели дека скутерот е “идеален за урбана средина”.

Ќе бидат потребни четири часа за да се наполни мотоциклот на редовна електрична мрежа. Компанијата предупреди дека по 1000 циклуси н аполнење, батеријата на скутерот ќе има само 80% капацитет.

Vespa Elettrica има 4.3-инчен дисплеј во боја помеѓу рачките на управувачот кој покажува информации како што се брзината и опсегот и нивото на полнење. Апликацијата Vespa Elettrica ќе им овозможи на корисниците да ги поврзат своите паметни телефони со скутерот преку Bluetooth за да можат да прикажуваат пораки и дојдовни телефонски повици. Апликацијата ќе може да пренесува дијагностички информации за скутерот, како и да ја пронајде на мапа.

Компанијата додаде дека купувачите ќе можат да го прилагодат својот електричен мотоцикл со избирање од седум различни бои. Во 2018 година, Vespa ќе издаде и хибридна верзија на Elettrica X со генератор на гас.

 

Следете не и на:

24AUTO NETWORK