Од Mercedes-Benz Cars објавија дека компанијата почнува со градење на фабрика каква до овој момент немало. Од компанијата коментираат дека Factory 56 Ќе биде најмодерното место за производство во светот. Речиси комплетниот процес ќе биде дигитализиран, а целта е да преземат флексибилни решенија за производство и да биде направено воведување на идејата за еколошки одговорни процеси, вклучувајќи и интерграција на фотоволтни инсталации на таванот на комплексот.
Factory 56 планира да постави нови стандарди во производството на автомобили, кога ќе почне да функционира во 2020 година. Во комплексот, кој ќе биде позициониран на територијата на Mercedes-Benz во Зинделфинген ќе се произведуваат модели од високата и луксузната класа, а меѓу нив ќе биде и новата генерација на S-Class, електромобилите и робо-такси возилата, како и првиот целосно електричен автомобил на Mercedes-Benz- EQ.
Од Mercedes-Benz ставаат акцент и на тоа дека производствениот процес во Factory 56 ќе биде силно дигитализиран и соодветно поврзан, а направените автомобили ќе ја напуштаат линијата и ќе се насочуваат кон товарните станици комплетно автономно.
Самиот процес на производството ќе биде автоматизиран, а неопходните елементи ќе се транспортираат со помош на DTS (Driverless Transport Systems) транспортниот систем, а логистичката програма ќе гарантира непрекинатост во целиот процес.
Во однос на работиците од Mercedes-Benz ветуваат дека ќе работат во одлични услови и ќе имаат оптимално олеснување на работата.
Следете не и на:
