Skoda ги објави првите слики од ажурираните верзии на моделите Scala и Kamiq, кои официјално ќе бидат претставени дигитално на 1 август. За новите верзии на Scala и Kamiq, од Skoda коментираат дека нивниот дизајн станал попрогресивен, а нивната технолошка база е подобрена и зголемена, вклучувајќи решенија од повисоките класи.
„Четири години по првичното лансирање на производите, Skoda Auto воведува подобрувања на својот компактен модел и градски SUV, кои вклучуваат технички подобрувања и обновен изглед“, објави Skoda.
Главните промени во дизајнот на надворешноста на Skoda Scala се поврзани со ажурираните перформанси на предните светла, предниот и заден дел, како и предната решетка. Неколку нови дизајни на тркала ќе бидат достапни и кај двата модели.
Кај Kamiq се гледаат нови и потенки дводелни фарови, предната решетка и задниот дифузор се поголеми, а задните светла имаат нов профил.
Новите информации за двата модели се поврзани и со системот за осветлување на автомобилите, за кој во Skoda велат дека е исполнет со сосема нови и поголеми фарови.
Интересен новитет во ажурираните Scala и Kamiq е тоа што двата автомобили за прв пат ќе бидат достапни и со TOP LED Matrix диодни фарови.
Следете не и на:
