Mercedes објави сет фотографии на уште замаскираниот нов АМG модел, кој треба да се појави на пазарот под името GT. Станува збор за купе лимузина со четири врати, а истата треба да биде шрикажана и на саемот за автомобили во Женева на почетокот на март.
Целосното име на новиот модел е Mercedes AMG GT Coupe, а станува збор за спортска лимузина. Од информациите кои досега се појавија во јавноста, AMG GT ќе има погон на сите тркала, како и Speedshift MCT менувач, а моторот би требало да биде од 4.0 литри би турбо V8 бензинец. Ќе има неколку верзии, а најсилната би требало да нуди околу 600 коњски сили.
Се зборува и дека Mercedes AMG GT Coupe подоцна ќе биде понуден и во хибридна верзија која би можела да има околу 800 коњски сили, а воедно би требала да биде и штедлива.
Во внатрешноста ќе се најде потполно дигитална инструментална плоча, ќе можат да се сместат четири лица.
Деталните информации ќе бидат познати за време на саемот во Женева.
![](https://24auto.mk/wp-content/uploads/2020/06/viber.png)
Следете не и на:
![](https://24auto.mk/wp-content/uploads/2020/04/facebook-1.png)
![](https://24auto.mk/wp-content/uploads/2020/04/instagram-1.png)