Владата на Романија донесе одлука повторно да ги отвори рудниците богати со суровини потреби за производство на батерии наменети за EV возила.
Станува збор за три рудници во кои ќе бидат инвестирани повеќе од 50 милиони евра од страна на производителите на батерии, потврдува министерот за економија на Романија, Никулае Бадалау. Во интервјуто за романските медиуми, Бадалау изјави дека сакаат да станат земја-членка на европската алијанса за батерии што ќе овозможи полесно рестартирање на овие рудници, но и пристап до бројни програми.
Во овие рудници се наоѓаат ретки метали како еуропиум и диспросиум што се користат при производството на батерии.
За кратко време, суровините неопходи за производство на батерии станаа и тоа како популарни. Така Португалија за нецела година даде одобренија за отворање на повеќе од 10 рудници.
