Не е баш сјајно во фабриката на FCA во Крагуевац. Српските медиуми ја пренесуваат најновата одлука на раководството на фабриката според која фабриката ќе биде затворена се до септември.
Претседатело на синдикатот на фабриката потврди дека од утре па се до 3 септември нема да има производствени активности во фабриката.
Со ова и натаму продолжуваат турбуленциите околу работењето на фабриката. Големи прекини во производството поради слабата побарувачка на Fiat 500L имаше и во минатото, а последната година тие прекини зачестија.
Напоредно со тоа, зачестија и шпекулациите околу можното повлекување на FCA од Србија, нешто што беше демантирано од Владата на Србија, а на овие тврдења FCA одговори со новиот план за производство на SUV од B сегментот кој би стартувал кон крајот на следната година.
