Принцот Чарлс е еден од најголемите вљубеници во автомобилите, а во својата колекција има повеќе од 100 возила. Она што е интересно е дека еден од нив вози на вино.
Во возниот парк на принцот Чарлс се наоѓа Aston Martin DB6 Volante кој како погонско гориво го троши остатокот од виното. Овој автомобил е познат и по тоа што е користен во 2011 година кога синот на Чарлс, Вилијам се ожени со Кејт Мидлтон.
„Откривме дека може да вози на остатокот од англиското бело вино. Инжинерите на Aston Martin признаа дека автомобилот дури и оди подобро и е посилен отколку кога користи бензин. Покрај тоа, се појавува и одличен мирис во текот на возењето“, вели Чарлс.
Неговата колекција на автомобили користи еколошки прифатливо гориво создадено од масло за јадење, но тоа не е сè бидејќи возот на кралицата Елизабета исто така користи еколошка алтернатива.
Во септември на принцот му беше доставен неговиот прв потполно електричен автомобил, а тоа е Jaguar I-Pace. Автомобилот е во сина Loire боја и затоа е уникатен. I-Pace им се придружи на Aston Martinu, Jaguaru XJ, Audiju R8 и другите возила на четири тркала во гаражата на принцот.
Кралското семејство поседува и неколку возила Land Rover, Range Rover, Jaguar и Bentley. Војводата од Кембриџ поседуваше Audi A5 Sportback, додека војвотката од Кембриџ има Audi A3. Принцот Хари наводно има Audi S3, а некогаш имаше и Audi RS6. И покрај тоа што го поседува скромниот Jaguar X-Type караван, кралицата Елизабета обично се вози во блиндирано Bentley на биогориво кое чини 10 милиони фунти.
