Според новиот закон, полицијата лица коишто ќе ги фати со запалена цигара во приватно возило во кое се превезуваат и малолетни лица ќе ги казни со 100 фунти на самото место. Доколку случајот стаса пред суд, казната би можела да изнесува и 1.000 фунти.
Од понеделникот во Шкотска, во рамките на владиниот проект „генерација без тутун“, на сила стапува новиот закон за забраната за пушење во автомобил во кој се наоѓаат деца.
Законот во декември едногласно го усвоија членовите на шкотскиот парламент. Новата мерка е воведена во рамките на планот на владата на Шкотска за намалување на стапката на пушење на помалку од 5 отсто до 2034 година.
Според податоците на Светската здравствена организација (СЗО – WHO), пасивното пушење се доведува во поврзаност со развој на астма, респираторни воспалувања, рак на белите дробови и срцеви заболувања.
Законот за забрана на пушење во возила во кои се наоѓаат деца на сила е во Англија и во Велс од октомври 2015 година.
Извор. BBC
