Германскиот производител Audi интензивно работи на развојот и лансирањето на новата, четврта генерација од компактниог модел од C сегментот, Audi A3. Новата генерaција, според најавите ќе се појави во текот на следната година со што конечно ќе се замени постоечката генерација која датира уште од 2012 година.
Екстериерниот дизајн на новата генерација ќе биде согласно дизајнот на последните модели на Audi прикажани оваа година. Иако не треба да се очекува радикални надворешни промени, сепак новата генерација значително ќе биде попривлечна и модернизирана со што ќе може без проблеми да се носи со конкуренцијата.
Во внатрешноста, овој модел доаѓа со најновата дигитална инструментална табла Virtual Cockpit, во комбинација со централно поставен инфотајнмент екран. Тука се и бројните безбедносни системи како што е системот за одржување на коловозната лента, прилагодлив темпомат со stop&go функција, Traffic Jam Assist, асистенција при паркирање и слично.
Новата А3 ќе биде достапна во хечбек со пет врати и седан изведба, а во текот на 2020 или 2021 година се очекува да се појави и S3 и RS3 изведбата.
Досега германскиот производител лансираше три генерации од овој модел. Првата генерација беше лансирана во 1966 година, а актуелната трета генерација е лансирана во 2012 година. Минатата година Audi претстави фејслифт од овој хечбек.
