Најавениот штрајк кој во петокот беше најавен по доаѓањето на Кристијано Роналдо во Јувентус доживеа дебакл. На штрајкот во Торино се појавиле само петорица вработени што претставуваат само 0.3% во однос на вкупниот број на вработени во фабриката во овој италијански град.
“Стапката на учество од 0.3% покажа дека штрајкот во изминатиот период беше промовиран од страна на групи кои не ја претставуваат работната сила” изјави портпаролот на FCA кој додаде дека акциите преземени од непознати субјекти изминатиот период имало за цел да го наруши угледот на FCA како и фудбалскиот клуб Јувентус.
Главната причина за повиците за штрајк беше многуте пари потрошени од страна на Јувентус за купување на ѕвездата Кристијано Роналдо. Токму поради фактот што мнозински сопственик на Јувентус и FCA е компанијата Exxor која пак е во сопственост на семејството Ањели, се појавија повици за штрајк поради како што велат “Во FCA се штеди на вработените, а за еден човек се трошат над 100 милиони евра”.
