Владата на Црна Гора на својот профил на Твитер објави снимка од воздух на мостот Морачица и изградбата на автопатот Бар-Бољаре. Најголем впечаток остава мостот Морачица, со своите пет столбови, а ќе биде најголемиот мост во поранешна Југославија.
Мостот е еден од најсложените објекти на трасата на автопатот. Ќе биде долг речиси еден километар, а ќе ја спојува долината на реката Морача и ќе преминува на спротивниот рид. Ќе го држат пет столбови од кои најголемиот е висок дури 161 метар.
Потфат од вакви размери нема направено никој во регионот. Должината на мостот ќе биде 960 метри, а вкупната ширина е 23,4 метри.
https://twitter.com/twitter/statuses/1009004607870251010
Овој грандиозен проект во Црна Гора е дело на кинеската државна компанија CRBC (China Road and Bridge Company).
