Кинески Chery сака да го прошири своето влијание и надвор од Кина, на светскиот пазар, и пред саемот во Франкфурт ги објави првите скици на целосно нов SUV модел. Возилото ќе ја има премиерата на годинешното издание на меѓународниот саем во Франкфурт на почетокот на септември.
Сѐ уште нема информација како ќе биде името на СУВ моделот, и истиот треба да биде нова еволуција на филозофијата на компанијата.
“Светската премиера на нашиот нов компактен СУВ го покажува почетокот на нашиот пристап кон европските продажби со нова линија на производи”, коментира Реј Бирзински, извршен потпретседател на развојниот центар на Chery во Шангај.
“Со планирано лансирање во следните неколку години, сите модели во гамата ќе се одликуваат со карактеристичен стил, технологија, електрифицирани погон и високо технолошки системи за безбедност”, додава тој.
Од Chery веќе најавија дека за неколку години ќе нудат во Европа автомобили од различни сегменти, ќе бидат електрифицирани, вклучувајќи чисти електрични, плаг-ин хибриди и хибриди.
