Изненадувачка вест ги потресе берзите во Њујорк и Сеул. Американскиот технолoшки гигант Apple би можел да вложи 3,6 милијарди американски долари во Kia. Оваа вест ја соопштина повеќето американски медиуми поради што акциите на Kia достигнаа највисока цена по 1998 година – 87,70 долари по акција, пренесува CNN.
Години наназад, американскиот производител на мобилни телефони се поврзуваше со инвестиција во сопствен автомобил, но сега има промена на плановите, пренесуваат медиумите повикувајќи се на интерни информации.
Договорот помеѓу овие две компании би требало да се склучи во текот на овој месец, и според истиот, во фабриката на Kia лоцирана во американската сојузна држава Џорџија, ќе се произведуваат автомобили под брендот на Apple, автомобили кои ќе бидат развиени со заедничка соработка на Apple и Kia.
Блумберг се обиде да добие информација од Kia и Apple, но од двете компаии одбија да ги коментираат натписите. Дали проектот Титан кој Apple го претстави во 2014 година ќе го доживее свеетлото на денот останува да видиме во наредните неколку месеци.
