Во фабриката на Toyota Motor France во францускиот град Онаинг, произведен е четири милионитиот примерок од моделот Yaris на Toyota.
Јубилејниот примерок е во двобојна црвено-црна каросерија и со хибриден погон. При тоа не е познат пазарот на кој ќе биде испорачан овој примерок.
- Advertisement -
Овој модел од Б сегментот, јапонскиот производител го воведе во 1999 година. Веќе следната година беше избран за Европски автомобил на годината, а ги освојуваше и престижните награди во многу земји.
Од овој модел досега се претставени четири генерации, а во зависност од регионот, Yaris е познат и под имињата Vitz, Platz, Belta и Vios.
