SEAT го освежува успешниот SUV – Ateca со воведувањето на производната верзија за 2020 година. Преработеното возило ќе се заснова на своите компактни SUV атрибути, додавајќи освежен и поемотивен изглед како внатре, така и надвор, целосно поврзано корисничко искуство, подобрено ниво на безбедност и удобност и зголемена ефикасност.
Кога за прв пат беше лансиран, SEAT Ateca донесе нова димензија на компактниот SUV пазар; тој беше совршен за градскиот живот, нудејќи простран, практичен и разноврстен теренец со уникатен стил. И неговиот јасен карактер, емоционален дизајн и динамична личност е додаден во новата верзија.
„SEAT Ateca стана едно од поуспешните возила на шпанскиот бренд, продавајќи повеќе од 300.000 единици од нејзиното претставување во 2016 година. Новиот SEAT Ateca 2020 е еволуција на оригиналниот производ и има за цел да го продолжи својот успех преку консолидирање на позиција во еден од најважните сегменти на пазарот“, рече Карстен Исензе, претседател на SEAT и потпретседател за финансии и IT.
SEAT Ateca е дизајниран и развиен во Барселона, а се произведува во Квасини (Чешка), додавајќи дополнителен импулс во составот на SUV понудата на брендот – сегмент на возила што е суштински важен за континуираниот успех на SEAT.
Од неговото воведување во 2016 година, продадени се повеќе од 300.000 SEAT Ateca возила, што претставува огромно достигнување за компактниот теренец.
