Во Италија се плаќа со “Дукати”

Италијанското гратче Кастелино дел Биферно во време на кризата предизвикана од пандемијата на коронавирусот воведе сопствена валута наречена Ducati.

Оваа валута е воведена со одобрение на Владата на Италија и истата има важност само во ова гратче на југот на Италија.

Всушност, не станува збор за класична валута чија вредност произлегува од макроекономските активности на Кастелино дел Биферно. Истата валута има улога на ваучер со кој може да се купува и врши најразлично плаќање на територијата на ова гратче.

Вредноста на дукати е врзана за еврото па така едно дукати е еднакво на едно евро.