Оваа година ќе биде посиромашна за уште еден настан во авто-мото индустријата. Станува збор за Pebble Beach Concours d’Elegance, настан кој традиционално секоја година се одржува во Калифорнија.
Причината за одложувањето на овогодинешното јубилејно 70-то издание е и повеќе од јасна – кризата предизивката од коронавирусот.
Организаторите наведуваат дека јубилејот ќе се слави следната година за кога е и презакажан настанот. Истиот ќе започне на 15 август 2021 година, а програмата ќе биде идентична како и онаа која требаше да се спроведе годинава.
Инаку овој настан кој добива на се поголема популарност за прв пат се одржал во 1951 година. Во последните неколку децении на овој настан се прикажани најретките автомобили во светот, се одржуваат интересни и несекојдневни трки, а на настанот присуствуваат стотици илјади учесници.
При тоа, покрај многуте други, се доделува и награда за најдобар автомобил кој најчесто е олдтајмер.
