Додека очите на вљубениците на автомобилите и автомобилските критичари се насочени кон Франкфурт, Fiat се одлучи да ја претстави новата Sport верзија на моделот 500X.
Наместо во Франкфурт тоа го направи на настан организиран во Федералниот технички центар Луиџи Ридолф во италијанскиот град Фиренца.
Оваа верзија доаѓа со изменети предни и задни браници, нови магленки, нови 19 инчни алуминиумски фелни како и бисерно метална црвена боја. Исто така тука се и ретровизорите во сјајна црна боја како и затемнетите задни стакла.
Во понудата централно место зазема новиот FireFly 1.3 литарски турбо мотор кој продуцира 150 КС при 270 Nm обртни моменти.
https://youtu.be/lELTbX10FOg
Во понудата доаѓа овој месец во Италија каде е лидер во својот сегмент според бројот на продадени возила, а во текот на октомври и ноември ќе биде дистрибуиран и во останатите европски земји.
