Благодарение на партнерството помеѓу Renault и Yandex (пандан на Google) жителите на Русија отсега имаат можност да купуваат автомобил преку интернет.
Очекувано, првиот автомобил кој може да се купи онлајн е моделот Arkana на Renault кој ова лето беше премиерно претставен на саемот за автомобили во Москва. Цената на овој автомобил кој се произведува во Русија и е специјално развиен за овој пазар изнесува 1,5 милиони рубљи односно 21.200 евра.
“Ова е навистина иновативно. Луѓето во Русија никогаш претходно не купувале автомобил онлајн” изјави портпаролот на Yandex.
Претходно првиот човек на PSA Групација најави идентичен план како и Renault. Според планот на Таварес (првиот човек на PSA Групација), заклучно 2021 година оваа француска групација планира годишно преку интернет да продава 100 илјади автомобили.
