Во последната деценија, во САД секоја година во просек се случуваат по 682.000 сообраќајни несреќи, а она што привлекува внимание е дека возачите кои ја предизвикале сообраќајната несреќа го напуштаат местото.
Истражувањата спроведени од 2006 година од страна на американска непрофитна организација Фондацијата ААА за безбедност во сообраќајот, покажуваат дека, во просек, секоја минута најмалку еден возач некаде во САД го напушта местото на несреќата што ја предизвикал со цел да ги избегне последиците. Податоците откриваат дека само во 2016 година во сообраќајни незгоди, по што еден од актерите избегал, 2.049 лица загинале. Ова е драматично зголемување од 60% во споредба со 2009 година, според истражувачката организација.
Се тврди дека 65% од загинатите во такви несреќи се пешаци и велосипедисти. Податоците, исто така, покажуваат дека речиси една петтина од загинати пешаци во последните десет години во САД загинале во сообраќајна несреќа по што виновниците побегнале од местото на несреќата.
Агенцијата ААА тврди дека иако некои од сообраќајните незгоди, во кои загинале пешаците и велосипедистите биле неизбежни, многумина имале можност да го спречат тоа доколку биле повнимателни, повеќе фокусирани и внимателно ја следеле ситуацијата во сообраќајот.
Напуштањето на местото на сообраќајната несреќа е казниво и повлекува различни последици, во зависност од последиците од несреќата. Од друга страна, останувањето на местото и навременото повикување на полицијата и амбулантата може да го спасат животот на повредените
Следете не и на:
