Русија се подготвува за стартот на сериското производство на првиот домашен електричен автомобил Atom, кој треба да влезе на пазарот во 2026 година. Министeрот за индустрија и трговија, Антон Алиханов, потврди дека индустриското производство ќе започне до крајот на оваа година, при што проектот веќе бележи значителен интерес со над 105.000 преднарачки.
Технолошки насочен кон иднината
Atom е развиен од заедничкото претпријатие „Кама“ и Rosatom, со цел да стане водечки играч на локалниот пазар на електрични возила. Возилото се издвојува со свој дигитален екосистем и сопствена оперативна система, што овозможува иновации како:
* HUD дисплеј со проширена реалност,
* сензорски контроли интегрирани во воланот, кои го заменуваат класичното табло,
* гласовен асистент и
* напредна ADAS платформа со 17 функции за асистенција при возење (одржување лента, автоматско паркирање и др.).
Перформанси и практичност
Електромобилот нуди автономија до 500 км и брзо полнење: од 20% до 80% батерија за околу 25 минути, а целосно за приближно 80 минути. Производителот вклучи повеќе од 1.500 инженери од четири големи руски града (Москва, Толјати, Набережни Челни и Санкт Петербург), а дел од лабораториската работа е спроведена во Кина (Шангај и Нанкин).
Модели за различни потреби
Atom ќе биде достапен во повеќе конфигурации – за приватни купувачи, за државни институции (со посебен „службен“ пакет), како и за такси компании и оператори за car sharing услуги.
Производителот истакна дека 65–70% од компонентите ќе бидат обезбедени од руски добавувачи, со што ќе се намали зависноста од увоз. Цената сè уште не е објавена, но според официјални изјави, целта е Atom да биде достапен за масовниот пазар, со јавно откривање на финалната цена во моментот на стартот на целосното производство.
