По Италија, вторa земја во светот што реши на својата полиција да и купи возила Alfa Romeo Giulia е Романија.
Карабинерите во Италија уживаат во возењето со моделот Quadrifoglio Verde со можност од 510 КС и 2,9 литарски твин-турбо V6 мотор. Нему му требаат само 3,9 секунди да развие брзина до 100 км/ч. Тоа значи дека на патиштата тешко дека некој ќе може да им избега.
Но, во Романија се испорачани модели со помала моќност. Возилата подготвени за романската полиција имаат 2,0 литарски турбо бензински моторои со 280 КС и 400 Нм вртежен момент, со погон на сите четири тркала, и осум степен автоматски менувач. Со оваа опрема премиум компактниот седан може да забрза до 100 км/ч за 5,2 секунди, а максималната брзина што може да ја развие е 240 км/ч.
Некои од стандардните системи што ги има возилото се: Forward Collision Braking, Autonomous Emergency Brake, Lane Departure Warning, Blind Spot Monitoring with Rear Cross Path Detection, Integrated Brake System, AlfaLink technology.
Интересно е дека овие возила ќе се користат само на одредени патишта во Романија, на А3 автопатот, Националниот пат 1 и северниот дел од заобиколницата на Букурешт.
