Tesla потврди: Наскоро пуштаме суперполнач и во Скопје! (Фото)

ОБЈАВЕНО НА:

Зголемувањето на бројот на електрични возила ја зголемува и потребата од повеќе полначи и суперполначи со кои возилата многу побрзо ќе можат да го надополнуваат батериите. Tesla ја ажурираше својата мапа на суперполначи за 2020 година со еден куп нови локации што треба да ги покрие мрежата за брзо полнење.

На листата на Tesla се најде и Македонија, и според нивните најави во Скопје треба да биде отворен за почеток еден суперполнач. Како што најавуваат од Tesla дополнително ќе биде објавено каде на која локација и кога тоа ќе се случи.

Освен во Скопје во соседните земји најавени се суперполначи и во Солун, Јанина, Ламија, Атина, Спарти (Грција), Пловдив (Бугарија), Пожега, Белград, Јаловик Извор,
Во моментов во Македонија има мрежа на ЕВН на полначи за електрични возила. На истата има полначи што се веќе во функција и оние што треба да бидат пуштени наскоро.

Во текот на последните неколку години, Tesla даде неколку големи ветувања за проширување на мрежата на суперполначи но за кратко време потоа истите не се исполнија. Доцнењето се чинеше дека е барем делумно поврзано со распоредувањето на новата генерација на технологијата на суперполначи, Supercharger V3, што и самиот забележа неколку одложувања пред појавата.

Но, сега Тесла го лансираше Supercharger V3 и ги одбра инсталациите на суперполначи низ целиот свет. Минатиот месец се објави дека Tesla додаде над 2.000 нови суперполначи во текот на втората половина на 2019 година и достигна над 15,000 вкупно суперполначи низ целиот свет.

Главниот извршен директор Елон Маск рече дека тие го зголемуваат производството на Supercharger V3, и тој очекува дека распоредувањето ќе се забрза во 2020 година.

Сега Tesla ги ажурираше своите мапи на планираните станици Supercharger низ целиот свет, и вклучува некои нови локации.