Opel го објави првиот поглед кон новиот STX Concept, студија што треба да покаже како германскиот бренд ја замислува иднината на караваните. Концептот ќе има светска премиера на саемот во Париз што е закажан од 12 до 18 октомври, а првите фотографии откриваат нова интерпретација на Opel Vizor, поизразена аеродинамика и дизајн што треба да ја развие филозофијата „Bold & Pure“ во уште посмела насока.
Opel потсетува дека има долга традиција во овој тип автомобили и дека уште во 1950-тите бил меѓу пионерите на караванската каросерија во Европа. Со STX Concept, брендот сака да покаже дека караванот не мора да остане конзервативен или само практичен. Напротив, новата студија е замислена како поемоционален и технолошки напреден Sports Tourer за иднината.
Името STX доаѓа од Sports Tourer eXperimental Concept и јасно упатува на Sports Tourer традицијата на Opel.
Еден од највпечатливите елементи е новата еволуција на Opel Vizor. Предниот дел изгледа поизразено од досегашните решенија, со нов светлосен потпис составен од прецизни вертикални ламели. Во центарот и натаму се наоѓа осветлениот Opel Blitz, поставен во рамките на препознатливиот Opel Compass.
Со ова, Opel не го напушта актуелниот визуелен идентитет, туку го прави понагласен и потехнички. STX Concept не е дизајниран само за визуелен ефект. Opel посебно ја нагласува аеродинамичката ефикасност. Компанијата наведува дека концептот користи повеќе интелигентни аероo решенија, со цел да се намали потрошувачката, но и да се подобри стабилноста при високи брзини.
Еден од видливите детали се триделните алуминиумски тркала со аеродинамички оптимизиран дизајн. Opel наведува дека аеродинамиката кај STX Concept е развивана не само за ефикасност, туку и за сигурност и уживање при високи брзини на германските автопатишта.
Засега Opel не објавува технички спецификации за погон, батерија, моќност или досег. Тоа значи дека STX Concept во оваа фаза е пред сè дизајнерска и технолошка најава. Целосната слика ќе биде откриена на светската премиера во Париз.
Opel веќе потврди дека STX Concept е замислен како електричен караван на иднината и дека ќе биде еден од главните адути на штандот на брендот.
На Paris Motor Show, Opel нема да се појави само со STX Concept. На штандот ќе бидат и Formula E GEN4болидот Opel GSE 27FE, новата Corsa GSE, Astra GSE Line, како и Grandland Electric AWD, Frontera Electric Extended Range и Mokka GSE.
▶▶▶ Добивај директно вести на твојот мобилен телефон, приклучи се на Viber https://abit.ly/24auto-viber
❗❗ Со еден клик до сите вести.
