Францускиот производител најавува нова генерација возила до 2028 година и услуги што треба да го намалат времето изгубено поради дефекти.
Renault планира да претстави пет нови лесни комерцијални возила до 2028 година, а прв меѓу нив е новиот Trafic Van E-Tech electric. Електричното комбе ја отвора новата производна офанзива, претставена во рамките на IAA Transportation во Хановер.
Планот е дел од стратегијата futuREady. Покрај новите модели, Renault става акцент на приспособувањето на возилата за различни професии и на поефикасното управување со возните паркови.
Новиот Trafic Van E-Tech electric е развиен како комерцијално возило кај кое софтверот има централна улога. Тоа треба да овозможи полесно приспособување на функциите и нивно надградување според потребите на корисникот.
Renault го поврзува овој пристап со пониски вкупни трошоци за сопственост, подобро искористување на електричната енергија и поудобни услови за работа.
За професионалните возачи, кабината е и работно место. Затоа, новата генерација треба истовремено да одговори на потребите за транспорт, организација на работата и секојдневна удобност.
Renault ќе понуди три нивоа на решенија за приспособување: Converted by Renault, Qstomize и мрежа од 300 сертифицирани компании за надградби.
Целта е возилата полесно да се приспособат на конкретна дејност. Потребите на доставувач, сервисер и градежна фирма се различни, дури и кога користат комбе од иста класа.
Овој дел од понудата треба да го олесни изборот на готово решение, наместо купувачот одделно да ги организира сите преработки.
За 2027 година е најавена програмата Renault UPTIMIZE. Таа ќе користи податоци од поврзаните возила за персонализирана поддршка.
Според производителот, целта е времето на застој при проблем да се намали до половина. За фирмите тоа може да значи помалку изгубени работни часови и попредвидлива организација.
Во рамките на програмата се подготвува и апликација во возилото. Таа ќе ги применува поставките за ефикасност, перформанси и безбедност што ги одредил управителот на возниот парк.
▶▶▶ Добивај директно вести на твојот мобилен телефон, приклучи се на Viber https://abit.ly/24auto-viber
❗❗ Со еден клик до сите вести.
