Новата електрична Mazda CX-6e носи функција наречена External Announcement, преку која возачот може да испраќа гласовни пораки преку надворешен звучник. Идејата е подобра комуникација со пешаците и велосипедистите, но можноста за внесување сопствен текст отвора и едно интересно прашање.
Mazda CX-6e е еден од најновите електрични модели на јапонскиот производител, а меѓу бројните дигитални функции се појави и една што не е вообичаена кај автомобилите. Системот External Announcement му овозможува на возачот преку надворешен звучник да испрати порака до пешак, велосипедист или друг учесник во сообраќајот.
Меѓу однапред подготвените пораки има предупредувања со кои автомобилот може да му даде до знаење на пешакот дека се наоѓа во близина или да побара поголемо внимание при преминување на улица.
Функцијата има логика особено кај електричен автомобил. EV моделите при ниски брзини се многу потивки од автомобилите со класичен мотор, па дополнителен начин за комуникација со пешаците може да биде корисен.
Сепак, системот оди чекор понатаму. Возачот може да внесе и сопствен текст преку големиот централен екран од 26,45 инчи, кој потоа автомобилот го репродуцира преку надворешниот звучник.
Токму тука се појавува и проблемот. Засега не е јасно дали системот има доволно строги филтри за навредливи или несоодветни пораки. Функцијата потекнува од кинескиот технолошки екосистем на моделот, бидејќи CX-6e е развиен во соработка со Changan и е технички поврзан со Deepal S07.
Важно е, сепак, да се нагласи дека Mazda официјално потврдува гласовни и gesture функции, напредни системи за помош и дигитални странични ретровизори за CX-6e, но засега нема јасна потврда дека External Announcement ќе биде достапен и во европската верзија.
Mazda CX-6e за Европа користи батерија од 78 kWh, со досег до 484 км според WLTP и DC полнење до 200 kW. Погонската верзија што е најавена располага со 255 КС и погон на задните тркала, според информациите што ги пренесуваат регионалните медиуми.
🚗 Читај 24AUTO.MK и на Viber!
Автомобилски вести директно на твојот мобилен.
📲 Viber групата на семејството на 24AUTO.MK. и биди во тек!
