Првиот летачки автомобил во светот ќе почне со продажба во текот на овој месец, а првите возила ќе бидат произведени во Кина. Ова е објавено од страна на компанијата производител Terrafugia Inc, која е компанија ќерка на кинеската Geely Auto Group.
Порачките за возилото ќе почнат месецов, а се очекува првите доставувања до клиентите да бидат во 2019 година. Во возилото на иднината ќе може да се превезуваат по двајца патници, а за менување на режимот од летање до возење ќе биде потребна само една минута. За кревање на автомобилот во воздух ќе биде потребна писта за полетување и слетување.
Првите превозни средства се очекува да бидат доставени во САД, а цената уште не е позната.
Според Geely тешко е лесните автомобили да станат масовни поради високите трошоци. Автомобилот Terrafugia ќе биде замена за малите авиони и ќе биде користен главно од фирмите и транспортните компании.
Се очекува Кинезите наскоро да го претстават и вториот модел на Terrafugia. Тој ќе може да полетува и да слетува вертикално, а тој модел на пазарот ќе се појави за пет години.
