Audi го освежи својот електричен бестселер Q4 e-tron и му донесе низа важни подобрувања. Моделот добива поостар изглед, нова дигитална кабина, поголем досег, побрзо полнење и за првпат кај Audi поддршка за „bidirectional charging“, со што автомобилот може да напојува надворешни уреди, па дури и дом.
Audi направи сериозен чекор напред со новото освежување на Q4 e-tron. Електричниот кросовер сега изгледа помодерно, нуди поинтуитивно управување и носи повеќе функции што треба да го направат попривлечен и за семејствата и за деловните корисници.
Од компанијата велат дека со оваа надградба Q4 e-tron не само што изгледа посвежо, туку нуди и значително подобрен ентериер. Според членот на Управниот одбор за продажба и маркетинг, Марко Шуберт, новите функции и бројните унапредувања го прават електричниот влез во светот на Audi уште поатрактивен.
Една од најважните новини е bidirectional charging. Q4 e-tron е првиот модел на Audi што може не само да прима енергија од мрежата, туку и да ја враќа назад кон надворешни уреди. Тоа значи дека преку функцијата Vehicle-to-Load, автомобилот може да полни електричен велосипед или друг уред преку приклучок во багажникот или со адаптер на портот за полнење.
Audi дополнително ги унапреди и погонските системи. Благодарение на поефикасен електромотор, Q4 Sportback e-tron performance сега нуди досег до 592 километри.
Кај Q4 SUV e-tron quattro performance и Q4 Sportback e-tron quattro performance, максималната моќност на полнење е зголемена од 175 на 185 kW. Тоа значи пократки паузи при полнење на подолги патувања. Во одредени верзии, батеријата се полни од 10 до 80 проценти за околу 27 минути.
Audi наведува и дека кај Q4 Sportback e-tron quattro performance за само 10 минути може да се добијат до 185 километри досег. Дополнително, батеријата може автоматски или рачно да се precondition за подобри резултати при полнењето. Q4 e-tron и натаму ќе биде достапен како SUV и Sportback. Купувачите ќе можат да избираат меѓу две батерии, со 63 kWh и 82 kWh бруто капацитет.
Практичноста е дополнително подобрена. Кај quattro верзиите, влечната моќ сега достигнува 1.800 килограми, што е за 400 килограми повеќе од претходно. Електричната врата на багажникот сега е стандардна, а самиот багажник нуди 515 литри простор. Со соборување на задните седишта, волуменот расте до 1.487 литри.
Освежениот ентериер е меѓу најголемите адути на новиот модел. Audi воведува целосно нова внатрешна поставеност, која по желба ќе биде достапна и во S line изведба. Во центарот на вниманието е новата дигитална сцена. Таа вклучува панорамски дисплеј со 11,9-инчна инструмент табла и 12,8-инчен MMI touch екран. Како опција се нуди и 12-инчен дисплеј пред совозачот, со можност за прилагодлив standby изглед.
Со новиот One Connected Infotainment, Audi сака да понуди повеќе удобност и подобро корисничко искуство. Интелигентниот Audi assistant овозможува управување со функции преку гласовни команди и може да одговара и на прашања поврзани со логбукот. Благодарение на интеграцијата на ChatGPT, патниците ќе можат поприродно да комуницираат со автомобилот и да добиваат различни информации.
Во кабината има и низа нови детали што го подигаат чувството на премиум простор. Тука се dynamic interaction lighting, нова централна конзола и две ладени индукциски подлоги за полнење, секоја со моќност од 15 вати.
Audi посебно го издвојува и Softwrap решението, кое се протега од вратите преку целата ширина на инструмент таблата. Со тоа се создава поцеловит и поквалитетен впечаток во кабината. Вертикалните отвори за вентилација дополнително ја нагласуваат ширината на кокпитот.
Однадвор, Q4 e-tron добива поостар и помодерен настап. Голема улога има и новата светлосна технологија. Напред се достапни digital LED daytime running lights со сегментирана технологија. Тие овозможуваат различни светлосни потписи што се избираат преку MMI системот. Назад, втората генерација на digital OLED светла носи подобра функционалност, поголема безбедност и посилен визуелен ефект.
Дополнително, опционалното proximity lighting предупредува други учесници во сообраќајот кога ќе се приближат премногу до автомобилот.
Во Германија, Audi Q4 SUV e-tron со батерија од 63 kWh почнува од 47.500 евра. Quattro верзиите на SUV моделот чинат 55.900 и 59.000 евра. Доплатата за Sportback каросериските изведби изнесува 1.950 евра. Новите модели ќе можат да се нарачуваат во Европа во текот на мај, а првите испораки се очекуваат во текот на летото.
▶▶▶ Добивај директно АВТОМОБИЛСКИ вести на твојот мобилен телефон, приклучи се на Viber групата на семејството на 24AUTO.MK. Со еден клик до сите вести.
