Dacia го откри името на својот нов кросовер – „Striker“. Брендот вели дека името е силно, лесно за изговор и препознатливо по завршетокот „-er“, во линија со Duster, Jogger и Bigster, а дизајнот ќе биде откриен на 10 март.
Dacia официјално го откри името на својот нов кросовер, кој во јавноста ќе настапува како „Striker“. Според компанијата, станува збор за име што звучи моќно и е лесно препознатливо, особено по завршетокот „-er“, кој веќе е дел од идентитетот на брендот преку моделите Duster, Jogger и Bigster.
Од Dacia велат дека „Striker“ е високо сугестивно име и дека инспирацијата ја црпи од 1980-тите, со асоцијација на „удар“ што ја менува играта – како strike во куглање. Името е изведено од изразот „to make a strike, to hit the mark“, со порака за предизвик и амбиција, а истовремено треба да пренесе робусност и практичност – како „совршен сопатник“ за патување.
Dacia потврдува и дека дизајнот на новиот модел ќе биде откриен во вторник, на 10 март.
