Новиот CUPRA Formentor VZ5 е веќе достапен за нарачка и ја носи најекстремната сериска изведба на моделот досега, со јасен фокус на перформанси, ексклузивност и дизајн. Станува збор за лимитирана серија од само 4.000 примероци на глобално ниво, што го прави еден од најретките и најпосакуваните модели во понудата на CUPRA.
Под поклопецот на моторот се наоѓа 2,5-литарски TSI петцилиндричен мотор кој развива 390 КС и 480 Nm вртежен момент. Благодарение на оваа конфигурација, Formentor VZ5 забрзува од 0 до 100 км/ч за 4,2 секунди, нудејќи силен и препознатлив звучен карактер кој е еден од заштитните знаци на моделот.
Моќноста се пренесува преку седумстепен DSG менувач и погон на сите тркала 4Drive, дополнет со Torque Splitter систем кој интелигентно го распределува вртежниот момент кон задната оска. Ова решение овозможува исклучителна стабилност, прецизност и агилност, особено при динамично возење и во свиоци.
Formentor VZ5 доаѓа сериски со спортско подесено подвозје и Akrapovic издувен систем, кој дополнително го нагласува спортскиот карактер и создава длабок и емоционален звук. Специфичната секвенца на палење на моторот придонесува за уникатнo аудио доживување кое јасно го издвојува овој модел од останатите верзии.
Дизајнот е подеднакво впечатлив. Моделот добива пошироки лакови, редизајниран преден браник со нагласен сплитер и ексклузивни 20-инчни алуминиумски тркала. Во ентериерот доминираат CUPBucket спортските седишта, поставени пониско за подобра возачка позиција, како и квалитетни материјали и детали инспирирани од мотоспортот.
Покрај перформансите, Formentor VZ5 нуди и високо ниво на безбедност и асистенција. Меѓу системите се вклучени Travel Assist за полуавтономно возење, Side Assist за следење на слепиот агол и Exit Assist кој предупредува при отворање на вратите доколку се приближува возило одзади.
CUPRA Formentor VZ5 е достапен за нарачка по почетна цена од 72.950 евра. Производството започнува во јануари 2026 година, а првите испораки се очекуваат во првото тромесечје од 2026 година.
