Пред нешто повеќе од 10-тина дена сите турски и светски медиуми ја пренесоа веста околу одлуката на Volkswagen Групацијата за градење на фабрика во Турција, во близина на Маниса, но сега се чини дека нема ништо од тоа.
Воените активности на Турција во северниот дел од Сирија кои директно се насочени спрема Курдите како и бројните реакции на официјални лица на Европската Унија се главните причини поради кои Турција останува без фабриката на Volkswagen.
“Управниот одбор ја одложи одлуката за новиот погон. Ја следиме актуелната ситуација многу внимателно и со голема грижа гледаме на актуелниот развој” стои во соопштението на германскиот производител.
Инаку по објавувањето на веста за инвестирање Ердоган на раководните лица на неговата политичка партија им наложи да купуваат и возат Volkswagen Passat па останува сега нејасно дали Ердоган ќе даде нови сугестии.
