Премиум брендот на Toyota Motors, Lexus, објави дека на 30 март премиерно ќе го претстави својот најнов концепт автомобил. При тоа објави и тизер фотографии за истиот.
Засега не се познати техничките и дизајнерските карактеристики на овој модел. Од она што може да се забележи од тизер фотографиите, станува збор за спортбек модел со клиренс карактеристичен за кросовер со средна големина.
- Advertisement -
Истиот би требало да е целосно електричен односно да го има Direct4 електричниот систем кој е развиен токму од овој јапонски производител.
Премиерата на серискиот модел се очекува кон крајот на годинава, а почетокот на производството во текот на првиот квартал следната година.
