Stellantis во Мексико го промовираше подновениот мал градски автомобил Fiat Mobi. Се работи за автомобил од А сегментот чија должина изнесувва 3.566 мм, висината 1.490 мм, ширината 1.633 мм додека пак меѓуоскиното растојание 2.305 мм.
На 13 април 2016 година Fiat официјално го претстави прототипот, а потоа овој автомобил влезе во сериско производство во фабриката Бетим, Бразил.
Подновениот Mobi, доаѓа со минимални измени. Додаден е 3,5 инчниот LCD екран во инструменталната табла, а тука е и новиот 7 инчен инфотејнмент систем кој овозможува интеграција со мобилен телефон. Тука се и паркинг сензорите како и електриката на предните и задни прозори.
Во понудата остануваат двата 1,0 литарски бензински мотори: FIRE Evo I4 и FireFly I3 flexy fuel. Почетната цена на овој модел изнесува 179.900 пезоси што е еквивалентно на 8.638 американски долари односно 7.270 евра што го прави најевтиниот автомобил на Fiat.
Но, моделот нема да го видиме во понудата на европските салони.
