Еден од препознатливите брендови во Македонија, особено во бизнисот со нафтени деривати, Макпетрол продолжува со ширење на сопствената мрежа, па денеска ја отворија 126-та бензинска пумпа. Тоа се случува во годината кога компанијата го прославува својот 70-ти роденден.
Пумпата Ќојлија се наоѓа во општината Петровец и ќе им овозможи на потрошувачите нови содржини на нивниот пат низ Македонија, а истовремено со отворање на нови работни места придонесува индиректно за локалниот развој.
„Изминатиов период, а и оној што следи ни дава многу причини за славење. Минатата недела отпочнавме со одбележување на јубилејот 70 години Макпетрол со стартот на големата наградна игра, а веќе денес, една недела подоцна ја отвораме оваа нова бензинска станица на Макпетрол. Како Компанија сме пресреќни што одбележувањето на јубилејот не е само преку вообичаените прослави, туку преку презентирање на резултатите од нашиот труд и секако, новите инвестиции“. – изјави Мишко Тасевски, раководител на секторот маркетинг на Макпетрол АД.
Според информациите од претставници н акомпанијата во план е изградба на нови бензиски станици преку кои на верните потрошувачи, Макпетрол ќе им овозможи полесен пристап и нови содржини при користење на услугите. Како компанија која општествената одговорност ја чувствува како должност кон населението, а не како наметната обврска, Макпетрол соработува и со локалното основно училиште „Коста Солев Рацин“ од Петровец. Имаше и мини изложба на ликовните трудови на децата од ликовната секција при ОУ Коста Солев Рацин од Петровец. Темата на трудовите е „Мојата прва асоцијација за Макпетрол“.
Инвестицискиот циклус на Макпетрол не завршува со оваа бензинска станица. Во завршна фаза на изградба е уште една нова бензинска станица во близина на Вевчани. Извесни се и вложувањата во осовременување и модернизирање на неколку постојни бензински станици и складови.
