Најпродаваниот модел на Skoda достигна речиси 7,9 милиони произведени примероци. Јубилејот е проследен со специјална понуда за македонските купувачи, која се однесува на Octavia Combi со 1.5 TSI мотор.
Skoda Octavia одбележува 30 години од почетокот на производството на својата модерна генерација. Од 3 септември 1996 година до денес се произведени речиси 7,9 милиони примероци, а по повод јубилејот во Македонија е достапна специјална понуда со цена од 23.710 евра.
Octavia не е само најпродаваниот модел на Skoda, туку и автомобилот што имаше клучна улога во трансформацијата на чешката марка по приклучувањето кон Volkswagen Group. Во текот на четири генерации, моделот ја задржа препознатливата формула – многу простор, голем багажен простор, практична каросерија и технологија преземена од поширокото семејство на Volkswagen.
Името Octavia првично се користело за модел произведуван од 1959 до 1971 година. Одлуката за негово враќање била донесена во почетокот на деведесеттите, а развојот на новиот автомобил започнал во 1992 година.
Првата Octavia од модерната ера беше претставена на 4 април 1996 година, додека сериското производство почна на 3 септември. Лифтбек-верзијата располагаше со багажен простор од 528 литри, а во март 1998 година пристигна и Octavia Combi.
Понудата подоцна беше проширена со погон на сите тркала, додека во 2000 година дебитираше првата Octavia RS. Од првата модерна генерација беа произведени 1,44 милиони примероци, а дел од верзиите останаа во производство до 2010 година.
Втората генерација беше претставена во 2004 година. Таа понуди повеќе простор, багажен простор зголемен за 32 литри и нови технологии, меѓу кои и DSG менувачот со двојна спојка.
До завршувањето на производството во 2013 година беа произведени околу 2,6 милиони примероци, што ја прави најуспешната генерација на Octavia според вкупниот производствен обем.
Третата генерација, произведувана од 2012 до 2020 година, донесе полесна каросерија, поефикасни TSI и TDI мотори и повеќе системи за асистенција на возачот. Со редизајнот од 2017 година пристигнаа препознатливите поделени предни светла, нови инфозабавни системи и дополнително подобрена безбедносна опрема.
Четвртата генерација дебитираше во ноември 2019 година, повторно во лифтбек и Combi изведба. Моделот беше освежен во 2024 година, со промени во дизајнот, подобрена поврзаност и дополнителни безбедносни системи.
Во зависност од опремата, Octavia може да има до десет воздушни перничиња, како и систем за препознавање замор и намалена концентрација кај возачот.
Актуелната генерација се произведува во Млада Болеслав и Квасини во Чешка, како и во Костанај во Казахстан.
По повод 30-годишниот јубилеј, Škoda Octavia доаѓа со специјална понуда за македонските купувачи. Јубилејната понуда вклучува подарок во вредност од 2.000 евра, а цената за Octavia започнува од 23.710 евра. Во рамки на Porsche Leasing пакетот, понудата е достапна со 20% учество, месечна рата од 236 евра и каматна стапка од 4,9%.
________________________________________________________________
▶▶▶ Добивај директно АВТОМОБИЛСКИ вести на твојот мобилен телефон, приклучи се на Viber групата на семејството на 24AUTO.MK. Со еден клик до сите вести.
_________________________________________________________________
